استحقرت العشك من شفتك اسويت
كلت معقوله انته الي تمنيتك
صفنت هواي بعدك
ما صفنت عليك
صفنت اني على روحي واشلون حبيتك
وضحكت هواي بعدك مو ضحك فرحان
ضحكت اني على روحي وهاي تاليتك
_________________________
شحجيلك بعد ما عندي كلمات
محروك ألگلب من كثر الآهات
مجروح ألگلب بس صورتك بيه
بنص ألگلب يحضن هيچ وجنات
دمعاتي بغيابك مثل يعقوب
على يوسف بچه وزادت النكبات
أسيرك هل ألگلب لا أتعذبه وياك
جن طير أنذبح ويريد نبضات
أريد أنسى ألمحبه وأنسى السنين
مثل ما راح ننسى الثلث نجمات
ما ريدك وريدك واني محتار
مثل يوسف الطاح بهيچ ظلمات
نار البل ألگلب تسعر ولك حيل
مثل أضباع فكدت هيچ لذات
عگب ذيچ ألمعزه وأحله الأيام
اهرب من زماني وكافي ويلات
زماني معذب وحامله چيلات
رمح جساس جنهه أيريد طعنات
أتعبت كافي وبعد ما أريد الهموم
جنهه أهموم خنسه وتبچي حسرات
كيف أنسى المضى وبدمي نبضك
إذا دجله عطش مو انت الفرات
_________________________
ينشدوني عليك شلون وضعه وياك
واكلهم مو طبيعي اهواي داراني
وتطردني من ادك بابك وأكل للناس
طار من الفرح لمن تلكاني
اشطبتني من سجلك واني اكل للناس
شطبني من سجله للكلب وداني
كالولي يكرهك كلت غلطانين
يكرهني بشقه وبصدك يهواني
كالوا شلع كلبك كلت يعني اصار
شكو بيه اذا محبوبي شاقاني
_______________________
اسمــــي النــــاس بسمـــك وانتــــه ناسيـــني
وعلــــى كلـــــمن يشبهـــــك دمعــــت عينــــي
يــــل مـــرافــك خيــــالي وســاكـــن الــــــــروح
بعتـــــلك عمــــــر وانتـــــــه تبيعــــــلي جـــروح
اجـــــويك بثـــــلــج وبنـــــــار تجـــــــــوينـــــي